யாயும் ஞாயும் யாராகியரோ
எந்தையும் நுந்தையும் எம்முறைக்
கேளிர்
யானும் நீயும் எவ்வழி யறிதும்
செம்புலப் பெயனீர் போல
அன்புடை நெஞ்சம் தாங்கலந் தனவே.

பொருள் :-
என் தாயும் உன் தாயும் யார் யாரோ?
என் தந்தையும் உன் தந்தையும் எவ்வகையில் உறவினர்கள்? நானும் நீயும் எப்படி ஒருவருக்கு ஒருவர் தெரிந்தவர்கள் ஆகினோம்? செம்மண் நிலத்தில் மழை பெய்யும் போது, நீரும் மண்ணும் இணைந்து பிரிக்க முடியாத சக்தியாகி விடும். அதைப் போல நம்முடைய அன்பான நெஞ்சங்கள் பிரிக்க முடியாத படி ஒன்றுடன் ஒன்று கலந்து விட்டன.